يمته ترد

يمتة تحن علينه
ويمتة كلي ترد
ياأجمل حلم خاويتة من صباي
تعال أفتح الروح
وبالوسط اكعد
يمتة ترد
كلت أيام صار سنين
وإحنا أنعد
حسبنا وتيهينة وعدنا من جديد
لان غيبتك طالت
وإحنا بس أنعد
بعدك بس نفس باقين يامحبوب
تعال وصير أجمل صيف
ذوب ثلج دم سنين متجمد
يسألوني عليك وكلت هسة يعود
ماترجع تسكت الناس يالمبعد
جنك ماتحبنه وبرد ذاك الشوك
وإذا بعدك تحبنه ليش متردد
ماترجع حبيبي ذبل ورد البيت
بجيتك خلة يرجع ثاني ويورد
يمتة ترد
يمتة أتعيد فرحة فارقة العيون
والبس ثوبي ألأبيض
وانزع الأسود
وأطش طول الدرب لمن تجي ريحان
وأحضنك حيل
ويردلي الحيل
وأبوسك حيل
وازعل الليل
وأضل كد الهجر نعسان
وبطولك حبيبي أضل متمدد
من ترد
الهيثم

مشكور اخوية على الشعر الجميل بارك الله بيك

تحياتي الك

الامبراطور