من طفل جرحه العراق ..

من طفل جرحه العراق . . . الى من تحت أقدامها جنة الله

* على الإطلاق . . . مثلج º ما لكيت إنسان
بي عطف النبوة وسحنة القرآن

* على الإطلاق . . . ولو ربي يودي عليج
من كوكبنه º والله يخلص الإنسان

* يا نغمة دللولج تنوم الليل
ومن سافرتي يمه º الوطن ظل سهران

* منو بيكم وطن º وبهاي هل محتار
ومن قست الحزن متساوية الأحزان

* إذن إنتي الوطن º والبيه آنه هنا
مجموعة مدن مخلوقة من حرمان

* بصراويّة إنتي لحد نخاع الشط
وشطج يختلف º بي صفنه من ريحان

* هسه الكورنيش . . . بلايه شطج . . .لا
مو كورنيش . . . جن أوهام . . . جن دخان

* ألف هنياله بيج الأردن الـ . . . ( ما كول ! )
وأبشركم رويتوا يا أهل عمان

* يا برزخ ضياء . . . ونور يشبك نور
ياملح الخشوع بخبزة الإيمان

* يا ( يرحمكم الله ) للعطس . . . مخنوك
شم دمع العراق المستمر للآن

* يابوسة عوافي وضحكة بيها الماي
يصفن من عذوبتها ويظل غيران

* تشميني بركبتي . . . ويدك كلبي افييش
جن الركبة ويه شفايفج عرسان

* مو زعلان . . . لا والله . . . مو زعلان
بس الفراك هو لفركتج زعلان

* ( ياءات الوصف ) خلصت º وأظن معذور
بقت بس ( يائج ) البالـ( كان (( يا )) ما كان )

* ميزان الحساب بطبعه خشمه لفوك
وإلج يوم القيامة يدنك الميزان

* ( ياءات الوصف ) خلصت º وأظن معذور
بقت بس ( يائج ) البالـ( كان (( يا )) ما كان )

* ميزان الحساب بطبعه خشمه لفوك
وإلج يوم القيامة يدنك الميزان

روووووووووووووووووووووووووعه
عاشت ايدك يا مبدعنا
تحياتي واحترامي لك
تقبل مروري

مشكور اخوية بارك الله بيك

» مسجات عن العراق
» زهيري جميل على العراق
» فييرا يؤكد استعداد العراق لمباراة
» عمان مع العراق والبحرين مع الكويت غدا في خليجي 19
» تقــــرير شامـــل عـــن وطني الغالي .. العراق